شعرنا
2 مشترك
منتديات فن التصميم :: .:[& المنتدياتــ الأدبية &]:. :: .:[القصائد المرئية والمسموعة والخواطر الكتابية ]:.
صفحة 1 من اصل 1
شعرنا
هزمني بُعدك و غـدر الزمـان و حظّـي المدقـوق
بقا حلمٍ تأخر لين ضعتي مابعـد جانـي ولا جيتـه
بقا حلمٍ تمنيته يجي وأجيك بعـده وأفتـح المعلـوق
و أوريـك الشعـور اللـي أنبـذر طفـلٍ و ربيتـه
و بقا له لأجل يثمر بالفرح وجهك يجيـب شـروق
لأني بالأمل بالصبر بالذكرى وشعري عمر أسقيتـه
وقرّب حلم متأخر..وغدا أغلى حلـم لـي محـروق
تغرّب قلبـي حتـى الحلم..نفـاه و حطّمـه بيتـه
خلاص الحلـم مايقـدر يهدهـد خاطـري برفـوق
و يقول أن الفرح وزنه يزيد و يرتفع كانك تحرّيتـه
كـذا أول لسـان الحلـم يقنـع شاعـر بمنطـوق
وهو يدري الحكي أحيان..صحرا..سرابه قافه وبيته
عِظم عشقه أصـمٍ للعقـل وأذن لخافـقٍ مطفـوق
يقول لواقعه:يرضيـه حلمـي كـان مـا أرضيتـه
رجا..ذكرى و طيف..اكنوز وأنا قلبه لها الصنـدوق
يجـوع تشبّعـه وليـا سهـر بكنـوزي هدّيـتـه
مثل أمٍ ولدها فـالمهد والنوم من علّه غدا مسروق
أبـد ماأتركـه الأّ و داريتـه و نوّمتـه و داويتـه
كذا العاشق و لو كونه بكبـره بـان فيـه فـروق
وجهـك أنتـي ياحلمـي وفا..ثابت..بي..أبقيـتـه
كذا العاشق مضى عمره.و هو لاهي معه بالشوق
عُمر عدّا-وقبل حبال حلمي تنقطع-مايـوم عدّيتـه
هنا العاشق خذل عزمه وهو أول إذا جـا العـوق
و نزّل عزمـه و باسـه بـحلمـي فيـك رقّيتـه
كذا الصندوق دفتـر يـا خفوقـي بالألـم مشقـوق
كنوزه ذاكرة طفلٍ يحـب وشـاب حلمـي ماتهنيتـه
كذا و أذكرهـا بسماتي..تحـدّا بحكيـك المطفـوق
مع الواقـع و صدماتـه..و صدمنـي مـا توقّيتـه
ولِحكمة((ضحكة الآخر)) أوضـح ماعلِـي حقـوق
لأنـي مـا ضحكـت أول و يقـال إنّـي تناسيتـه
كذا الصندوق قاف..يبروز شعوري وأوفـى طـروق
أشرّبـه اللحـن مـن بعـد مـالأوجـاع غذّيتـه
كذا هذي كنوزه دم ينزف من جروح عروق
يجي حر وفي هالدفتر عزمته لاني أغليته
إذا ماالحلم يستعـزم و أنـا "كلـي" للقـاه أسـوق
أبعزم كل مايُمكـن يساعـد وأتوهـم إنّـي لاقيتـه
بيبقى الحلم لو صار المستحيل أنك تجيـن شـروق
لا ربّاني و أنسى و لاَني اللي علـى لامـاك ربّيتـه
كـذا ولا كذا..صـارت كـذا واحـد و دوم يضـوق
صديـق و دوم يلحقنـي علـى أيـة درب سرّيتـه
هزمني البُعد ياعمري وحظّـي وحالـي المدقـوق
وأية حلم لو جاني بدونـك بحزنـي فيـك أشقيتـه
حكا ولا اكتفا بالصمت ماله عنـدي شعـر يلـوق
عذول يلومني لأغرقت حرفي بالمرار و صحت غنيته
و صدقي في قصيدي يخلي الخافـق شـوي يـروق
و بعـد أوجـاع إبداعـه إذا استطـعـم تحلّيـتـه
مو مجبور يصفّق لي وأنا من هالزمـن مصفـوق
وتحيـي صفقتـه حرفي..مابـي تصفيقـه يميتـه
و فرحي طفل لو قلته..في راسه كـم تبيـن فلـوق
و حظي طفـلٍ أقشـر مارحـم ضعفـه و تشتيتـه
عبدالمجيدمحمداليحيى
بقا حلمٍ تأخر لين ضعتي مابعـد جانـي ولا جيتـه
بقا حلمٍ تمنيته يجي وأجيك بعـده وأفتـح المعلـوق
و أوريـك الشعـور اللـي أنبـذر طفـلٍ و ربيتـه
و بقا له لأجل يثمر بالفرح وجهك يجيـب شـروق
لأني بالأمل بالصبر بالذكرى وشعري عمر أسقيتـه
وقرّب حلم متأخر..وغدا أغلى حلـم لـي محـروق
تغرّب قلبـي حتـى الحلم..نفـاه و حطّمـه بيتـه
خلاص الحلـم مايقـدر يهدهـد خاطـري برفـوق
و يقول أن الفرح وزنه يزيد و يرتفع كانك تحرّيتـه
كـذا أول لسـان الحلـم يقنـع شاعـر بمنطـوق
وهو يدري الحكي أحيان..صحرا..سرابه قافه وبيته
عِظم عشقه أصـمٍ للعقـل وأذن لخافـقٍ مطفـوق
يقول لواقعه:يرضيـه حلمـي كـان مـا أرضيتـه
رجا..ذكرى و طيف..اكنوز وأنا قلبه لها الصنـدوق
يجـوع تشبّعـه وليـا سهـر بكنـوزي هدّيـتـه
مثل أمٍ ولدها فـالمهد والنوم من علّه غدا مسروق
أبـد ماأتركـه الأّ و داريتـه و نوّمتـه و داويتـه
كذا العاشق و لو كونه بكبـره بـان فيـه فـروق
وجهـك أنتـي ياحلمـي وفا..ثابت..بي..أبقيـتـه
كذا العاشق مضى عمره.و هو لاهي معه بالشوق
عُمر عدّا-وقبل حبال حلمي تنقطع-مايـوم عدّيتـه
هنا العاشق خذل عزمه وهو أول إذا جـا العـوق
و نزّل عزمـه و باسـه بـحلمـي فيـك رقّيتـه
كذا الصندوق دفتـر يـا خفوقـي بالألـم مشقـوق
كنوزه ذاكرة طفلٍ يحـب وشـاب حلمـي ماتهنيتـه
كذا و أذكرهـا بسماتي..تحـدّا بحكيـك المطفـوق
مع الواقـع و صدماتـه..و صدمنـي مـا توقّيتـه
ولِحكمة((ضحكة الآخر)) أوضـح ماعلِـي حقـوق
لأنـي مـا ضحكـت أول و يقـال إنّـي تناسيتـه
كذا الصندوق قاف..يبروز شعوري وأوفـى طـروق
أشرّبـه اللحـن مـن بعـد مـالأوجـاع غذّيتـه
كذا هذي كنوزه دم ينزف من جروح عروق
يجي حر وفي هالدفتر عزمته لاني أغليته
إذا ماالحلم يستعـزم و أنـا "كلـي" للقـاه أسـوق
أبعزم كل مايُمكـن يساعـد وأتوهـم إنّـي لاقيتـه
بيبقى الحلم لو صار المستحيل أنك تجيـن شـروق
لا ربّاني و أنسى و لاَني اللي علـى لامـاك ربّيتـه
كـذا ولا كذا..صـارت كـذا واحـد و دوم يضـوق
صديـق و دوم يلحقنـي علـى أيـة درب سرّيتـه
هزمني البُعد ياعمري وحظّـي وحالـي المدقـوق
وأية حلم لو جاني بدونـك بحزنـي فيـك أشقيتـه
حكا ولا اكتفا بالصمت ماله عنـدي شعـر يلـوق
عذول يلومني لأغرقت حرفي بالمرار و صحت غنيته
و صدقي في قصيدي يخلي الخافـق شـوي يـروق
و بعـد أوجـاع إبداعـه إذا استطـعـم تحلّيـتـه
مو مجبور يصفّق لي وأنا من هالزمـن مصفـوق
وتحيـي صفقتـه حرفي..مابـي تصفيقـه يميتـه
و فرحي طفل لو قلته..في راسه كـم تبيـن فلـوق
و حظي طفـلٍ أقشـر مارحـم ضعفـه و تشتيتـه
عبدالمجيدمحمداليحيى
ابوشلش- مشرف
- عدد الرسائل : 102
الموقع : الدوادمي
المزاج :
الهوايه :
الأوسمه :
تاريخ التسجيل : 17/11/2008
رد: شعرنا
حلوووووووووووه القصيدة يا شاعر المنتدى
kaka- مراقب عام
- عدد الرسائل : 152
الموقع : tasmam.mam9.com
المزاج :
الهوايه :
الأوسمه :
تاريخ التسجيل : 08/11/2008
منتديات فن التصميم :: .:[& المنتدياتــ الأدبية &]:. :: .:[القصائد المرئية والمسموعة والخواطر الكتابية ]:.
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى